ՕՍԿԱՐ 86-ԻՆ ՀԱՇՎԱԾ ՕՐԵՐ ԵՆ ՄՆԱՑԵԼ

Օսկարի 86-րդ մրցանակաբաշխությանը մնացել են հաշված օրեր:  Կինոաշխարհի ամենասպասված միջոցառումներից մեկն այս տարի տեղի կունենա մարտի 2-ին: Մրցույթը կհեռարձակվի աշխարհի ավելի քան 225 երկրներում։ Հայաստանում այն ուղիղ եթերով կհեռարձակվի Հայաստանի հանրային հեռուստաընկերությամբ

            Արդեն հայտնի են այն մարդկանց անունները, ովքեր «Դոլբի» թատրոնի բեմից կհանձնեն մրցանակները: Ամերիկայն կինոակադեմիան հաստատել է այն 46 աստղերի անունները, ովքեր կհանձնեն օսկարի արձանիկները հաղթողներին: Նրանցից գլխավորը կլինի հումորային դերասանուհի Էլեն Դեջեներեսը, ում կուղեկցեն Անջելինա Ջոլին և Շարլիզ Թերոնը: Ի թիվս այլոց խոսափողին կմոտենան նաև Հարիսոն Ֆորդը, Քեվին Սպենսին, Ջոն Տրավոլտան և Ռոբերտ Դե Նիրոն, Էմի Ադամսը, Ջիմ Քերին, Բրեդլի Կուպերը, Ուիլ Սմիթը և այլք:

            Հիշեցնենք, որ այս անգամ «Տարվա լավագույն ֆիլմ» անվանակարգում նոմինացված են «American Hustle», «Nebraska», «Captain Phillips», «Philomena», «Dallas Buyers Club», «12 Years a Slave», «Gravity», «The Wolf of Wall Street», «Her» ֆիլները: Լավագույն դերասանի կոչման համար կպայքարեն Քրիստիան Բեյլը, Բրյուս Դերնը, Էջիոֆոր Չիվետելը, Լեոնարդո Դի Կապրիոն և Մեթյու Մաքքոնեհին: Տարվա լավագույն դերասանուհի անվանակարգում առաջադրված են Էմի Ադամսը, Ջուդի Դենչը, Քեյթ Բլանշեթը, Մերիլ Սթրիփը և Սանդրա Բալոքը:

            Դե իսկ մյուս անվանակարգերին, նոմինանտներին և հաղթողներին բացահայտելու համար «Օսկար»-ի այս տարվա հաղորդավարուհի Էլեն Դեջեներեսը կոչ է անում դիտել կինոմրցանակաբաշխությունը՝ Հանրային հեռուստաընկերության ուղիղ եթերում:    

http://oscar.go.com/