Ապրիլի 23 – ին, ժամը
19.00 – ին, Առնո Բաբաջանյան համերգասրահում տեղի կունենա << Չինարես , կեռանալ
մի … >> պարային, գրական, երաժշտական բեմադրությունը … Բեմադրության հիմքում
1915 թ – ի հայկական ցեղասպանության թեման է : Այն հայի կանչն է, նրա հոգու արձագանքը
: Մեր ապագան կերտելու համար մենք պետք է շղթայված լինենք մեր անցյալին ու մեր պատմությանը
, մենք իրավունք չունենք լռելու և չպահանջելու : Մարդկության կենսագրության սկզբնական
շրջանից սկսած մարդը պայքարում է մարդու դեմ՝ նրան սիրելու փոխարեն : Հայ ազգը ախոյան
չի փնտրում և նման նպատակ չի հետապնդել երբևէ , սակայն հայն իր բնույթով բոլոր ազգերի
խոշորացույցի ներքո է եղել : Հայը ոչ ոքի հետ պատերազմելու ցանկություն չի ունեցել
, հայը երբեք դրացու ունեցվածքի վրա աչք չի ունեցել , նա կռվել ու պայքարել է միայն
ու միայն իրեն ու իր ունեցածը պահպանելու համար : Այս բեմադրությունը պատմում է հայի
տեսակի, նրա տառապանքի, նրա պահանջատիրության , աշխարհի կուրության ու խլության դեմ
նրա պայքարի մասին…
Բեմադրության հեղինակն
է Մհեր Եղիազարյանը : Առավել ուշագրավ է, երբ երիտասարդներն են արձագանքում պատմական
իրադարձություններին , երբ այսօրվա սերունդն է անդրադարձ կատարում անցյալին , երբ այսօրվա
հայն է արդարություն պահանջում երեկվա հայի համար :
Արմինե Բայաջյան
No comments:
Post a Comment