Հորիադիզում Լիսկան դարձավ 30 ազատամարտիկի դահիճը
Գեներալ-մայոր Վարդան Ավետիսյանը՝ Գորիսի Վարդանը, Հորադիզի անկման պատճառների մասին գրելով, հավանաբար, չի կամեցել ամբողջապես բացել այս պատմության մութ էջերը: Կամ, գուցեև, տեղյակ չի եղել: Մինչդեռ ազատամարտիկներից մեկը, ում խոստացանք անունը հրապարակել միայն անհրաժեշտության դեպքում և որը ներկա է եղել հորադիզյան ողբերգությանը, ցավով պատմեց, որ պատճառներից մեկն էլ այն է եղել, որ Լիսկան դիմել է խարդախության ու ստի՝ այսպիսով մեր ազատամարտիկներին մղելով դեպի ռեալ մահ: Նա պետք է վառելիք ուղարկեր Հորադիզ՝ Նարիմանիչի ջոկատին, սակայն յուրացրել է այդ վառելիքը, իսկ Վազգեն Սարգսյանին զեկուցել, թե հանձնարարությունը կատարված է… Մինչդեռ առանց վառելիքի զորքը հայտնվել է շրջափակման մեջ, խավար գիշերվա մեջ անհնար է եղել վառել ջահերը: Արդյունքում՝ երեսուն զոհ, երեսուն անմեղ մարդ… Լիսկայի ,,քաջագործությունը,, գաղտնի չի մնացել, այս մասին իմացել է նրա մարտական ընկերներից Վալերի Գրիգորյանը, որն էլ կռվի է բռնվել Լիսկայի հետ, նա անգամ կամեցել է գնդակահարել Լիսկային, սակայն մարտական ընկերները կանխել են նրան: Պատերազմից շատ ժամանակ է անցել, սակայն ժամանակն է, որպեսզի ամեն ինչ բացահայտվի, որպեսզի մարդիկ իմանան, թե հաճախ ինչու՞ են զոհվել ազատամարտիկները, թե ովքեր են հարստացել զոհերի ու թափված արյան հաշվին…
ԼԵՎՈՆ ՄՈՒԹԱՖՅԱՆ
No comments:
Post a Comment