«Հայաստանաբնակ եզդիները վրդովված են ՀՀ իշխանությունների անտարբերությունից և այսօր հերթական անգամ բողոքի ակցիա են իրականացնելու՝ խնդրելով գործադիրից միջամտել Իրաքի եզդիների բնաջնջման գործին: Սակայն, «Ժողովուրդ»-ին հայտնի դարձավ, որ Իրաքի Հանրապետությունում Հայաստանի դեսպանատունը ոչ մի կերպ չի կարող միջամտել եզդիների նկատմամբ իրականացվող բռնություններին:
Նշենք, որ արդեն մոտ 15 օր է, ինչ Իրաքի ու Լևանտի իսլամական պետության (ԻԼԻՊ) զինյալները գրավել են Իրաքի Մոսուլ քաղաքից հյուսիս տեղակայված Սինջար եզդիների գյուղը: Ծայրահեղականները սկսել են հաշվեհարդար տեսնել ազգային փոքրամասնությունների հետ: Ահաբեկիչների ձեռքով սպանվել են 5000-ից ավելի եզդիներ, այնտեղ բնակվող մոտ մեկ միլիոն եզդիների կեսն էլ փախստական է դարձել:
Ըստ թերթին հասած տեղեկությունների՝ Իրաքի Հանրապետությունում Հայաստանի դեսպանատունը չի կարող աջակցել Իրաքում գտնվող եզդիներին, քանի որ իրավասություն և պարտավորություն չունի: Պարզեցինք, որ անգամ Հայաստանի իշխանական վերնախավից որևէ հրահանգ չի եղել Իրաքում Հայաստանի դեսպանատան ներկայացուցիչներին, որպեսզի նրանք կարողանան օգնել եզդիներին: Դեսպանատունը սահմանափակվել է միայն իր մտահոգությունն արտահայտելով»:«Ժողովուրդ» թերթ
Նյութի աղբյուրը ` YerevanNews.am
www.amediainfo.ru
No comments:
Post a Comment