Բաց նամակ ՀՀ վարչապետ Հովիկ Աբրահամյանին Անկախ Հայաստանից

Հարգելի պարոն Աբրահամյան,

Թույլ տվեք նախ և առաջ շնորհավորել Ձեզ ՀՀ վարչապետ նշանակվելու կապակցությամբ, ցանկանում եմ Ձեզ արդյունավետ աշխատանքային գործունեւություն:
Ես այս պահին գիտեմ, որ Դուք մտածում եք. «Էսօր ինձ շնորհավորելու համար դու էիր պակաս», բայց ես, ի տարբերություն ոմանց, գործնական նամակ եմ գրում:
ԱԺ նախագահ եղած ժամանակահատվածում երևի Դուք չէիք նկատել, որ էս մինուճար աշխարհում ես ունեմ չունեմ երկու ՔԻՖ ունեմ` Արմեն Աշոտյանն ու Ստյոպա Սաֆարյանը, որոնք միակ մարդիկ են քաղաքական դաշտում, երբ ես դառնում եմ սուբյեկտիվ:
Այժմ, որպես ՀՀ վաստակավոր (իհարկե այս պահին ինքնակոչ) ֆեյք, ես Ձեզ եմ ներկայացնում իմ ու Ձեր «աշխատանքային հարաբերությունների» տեսլականը:
Հաշվի առնելով այն հանգամանքը, որ Դուք հիմա ձևավորում եք ՀՀ կառավարությունը` կցանկանամ Ձեզ աշխատանքային հարաբերությունների 3 տարբերակ առաջարկել`
1. Արմեն Աշոտյանը ու Ստյոպա Սաֆարյանը ՀՀ ներկայիս կառավարության անդամ են դառնում ու ես ձեր յուրաքանչյուր «փռշտալը» աշխարհացունց ՓԻԱՌ-ում եմ:
2. Արմեն Աշոտյանը վերանշանակվում է իր պաշտոնին, կամ Ստյոպան է դառնում նախարար ու ես ինձ պահում եմ հիմիկվա նման` շատ շատ տեղին հումորներ, սխալների դեպքում էլ կիրթ քննադատություն:
3. Արմեն Աշոտյանը ու Ստյոպա Սաֆարյանը առանց պաշտոն են մնում ու…. Էլ ինչ ու… «Շներին կապեք ու ինձ բաց թողեք»… ես դառնում եմ Ձեր հոգեառը:

Հարգելի պարոն վարչապետ, երրորդ կետը ընտրելուց առաջ խորհրդակցեք պաշտոնյաների մի մասի, ինչպես նաև նախկին վարչապետի հետ, միգուցե նրանք Ձեզ հետ պահեն այդ ճակատագրական սխալից:

Շնորհակալ եմ ուշադրության համար:
ԱՌԱՅԺՄ Ձեր` Անկախ Հայաստան:

Անկախ Հայաստան fb page